बुटवल । कोरोना भाइरसको महामारी फैलिएदेखि नै सबैभन्दा ठूलो संख्यामा बुटवल उपमहानगरबाट समुदास्तरमा स्वाव संकलन गरिएको छ ।
प्रदेश स्वास्थ्य निर्देशनालयले रुपन्देहीलाई समुदाय स्तरमा कोरोना परीक्षण गर्नुपर्ने जिल्लामा वर्गीकरण गरेलगत्तै उपमहानगरबाट ठूलो संख्यामा स्वाव संकलन गरिएको हो ।
उपमहानगरको लुम्बिनी प्रादेशीक अस्पतालमा गरिएको स्वाव संकलनमा आज २ सय ३४ जनाको स्वाव संकलन गरिएको थियो ।
समुदायमा परीक्षण गर्ने निर्णय अनुसार आज विविध पेशा व्यवसायका व्यक्तिहरुको स्वाव संकलन गरिएको थियो ।
बुधबार संकलन गरिएको स्वावको रिपोर्टले रुपन्देही र बुटवलको वुटवलको अवस्थावारे जानकारी हुने विश्वास लिईएको छ ।
कोरोना समुदायमा छ या छैन भन्ने वारेमा आँकलन गर्न तथा प्रदेश ५ मा परीक्षणको दायरा फराकिलो बनाउन समुदायमा परीक्षण सुरु गरिएको लुम्बिनी प्रादेशिक अस्पतालका प्रवक्ता डा। विष्णु गौतमले बताए ।
ुबेसलाईनको खोजि भएन भन्ने आलोचनालाई सम्बोधन गर्दै समुदायमा परीक्षण सुरु गरिएको होु, उनले भने ।
अस्पतालको प्रयोगशालामा गरिएको परीक्षणमा आज ३ जनाको रिपोर्ट पोजिटिभ आएको डा। गौतमले बताए ।
अस्पतालबाट पोजेटिभ आएका मध्य आज पनि १ जना सम्पर्क बाहिर रहेको उनले जानकारी दिए ।
यसअघि कोरोना पुष्टि भएका २ जना पनि पुष्टि भए लगत्तै सम्पर्कबिहीन भएका थिए ।
प्रतिक्रिया