काठमाडौं । बिहीबार कोरोना भाइरसका ३६० जना नयाँ संक्रमित थपिएका छन् ।
६ हजार ६२२ जनामा गरिएको पीसीआर परीक्षणमा ३६० जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
जसमध्ये काठमाडौंका मात्रै ७६ जनामा संक्रमण पुष्टि भएको छ । ललितपुरका १० जना र भक्तपुरका १ जनामा गरी काठमाडौं उपत्यकामा ८७ जनामा संक्रमण पुष्टि भएको मन्त्रालयले जनाएको छ ।
यससँगै देशभर संक्रमितको संख्या २१ हजार ७५० पुगेको छ ।
देशभर सक्रिय संक्रमितको संख्या ६ हजार २९६ जना रहेको छ ।
यसैगरी, पछिल्लो २४ घण्टामा २३३ जना व्यक्ति निको भएर घर फर्किएका छन् । हालसम्म १५ हजार ३८९ जना संक्रमित निको भएर घर फर्किसकेका छन् ।
देशभर रहेका क्वारेन्टिनमा ९ हजार ४७० जना व्यक्ति रहेका छन् ।
प्रतिक्रिया