१८ आश्विन २०७९, मंगलबार | October 4, 2022

चिनियाँ प्रविधिको विकासबाट अत्तालिएको अमेरिकाले लगायो ‘टिक टक’ र ‘वीच्याट’माथि प्रतिबन्ध



अमेरिकी राष्ट्रपति डोनल्ड ट्रम्पले चिनियाँ भिडिया ऐप टिक टक र वीच्याटमाथि प्रतिबन्ध लगाउने आदेशमा हस्ताक्षर गरेका छन् ।

यो प्रतिबन्ध आगामी ४५ दिनभित्र लागु हुने बताइएको छ । राष्ट्रपति ट्रम्पले भनेका छन् कि अमेरिकाको राष्ट्रिय सुरक्षाको हितमा यो फैसला लिइएको हो ।

ट्रम्पको यो कार्यकारी आदेश अनुसार अब ४५ दिनमा टिक टकको संचालक कम्पनी बाइट डान्ससँग कुनै पनि व्यापारिक साझेदारी र कारोबारमा रोक लाग्नेछ । आदेशमा भनिएको छ अमेरिकाको सुरक्षाको लागि टिक टकका मालिक विरुद्ध आवश्यक कदम उठाउन जरुरी छ ।

अमेरिकाकै कम्पनी माइक्रोसफ्टले अमेरिकामा टिकटकको कारोबार खरिद गर्न चाहेको थियो । तर, प्रतिबन्ध लागेपछि माइक्रोसफ्टको टिकटक खरिद गर्ने योजना सफल नहुने देखिएको छ ।

यस्तै, राष्ट्रपति ट्रम्पले अर्को एक कार्यकारी आदेश जारी गर्दै लोकप्रिय सामाजिक सञ्जाल वीच्याटमाथि पनि प्रतिबन्ध लगाउने आदेश जारी गरेका छन् ।

वीच्याटको संचालक कम्पनी टेन्सेन्ट रहेको छ । ट्रम्पको आदेशपछि टेन्सेन्टको सेयरमा गिरावट आएको छ । केही दिन अघि मात्र टेन्सेन्ट अमेरिकी कम्पनी फेसबुकभन्दा बढी मूल्यवान कम्पनी बनेको थियो ।

सूचना एवं सञ्चार प्रविधि एवं सेवाको सप्लाई चेनसँग सम्बन्धित राष्ट्रिय संकटकालको सामना गर्न चिनियाँ ऐपमाथि प्रतिबन्ध लगाउनुपरेको ट्रम्पले दाबी गरेका छन् ।

अमेरिकामा चिनियाँ मोवाइल ऐपहरु अमेरिकी राष्ट्रिय सुरक्षा, विदेश नीति एवं अर्थव्यवस्थाका लागि खतरा बनेको ट्रम्पले उल्लेख गरेका छन् ।
दुवै एपका संचालक या सहयोगी कम्पनीसँग कुनै पनि लेनदेनमा प्रतिबन्ध लागेको छ ।

अमेरिकामा टिकटक निकै लोकप्रिय रहेको थियो । झण्डै ८ करोड अमेरिकी युवाले टिकटक प्रयोग गर्ने गरेका छन् । जसमध्ये अधिकांश २० वर्ष मुनिका रहेका छन् ।

चीनको बढ्दो प्राविधिक विकासबाट तनाबमा परेको अमेरिकाले चीनको अर्थव्यवस्थालाई डामाडोल बनाउन सम्भव भएसम्मका सबै उपायहरु अपनाउँदै आएको छ ।

टेलिकम्युनिकेशन कम्पनी हुवावेबाट सुरुभएको अमेरिकी आक्रमण टिकटक र वीच्याटसम्म आइपुगेको छ । अमेरिकाले आफ्नो पछि लाग्ने देशहरुलाई पनि चिनियाँ प्रौद्योगिक कम्पनीहरु विरुद्ध कडा कारवाही गर्न गर्न दबाब दिँदै आएको छ ।

प्रकाशित मिति : २३ श्रावण २०७७, शुक्रबार  ११ : ५२ बजे

मौलिकता खस्किँदै जान थालेको सखिया नृत्य

कञ्चनपुर । दशैँका अवसरमा देखाइने सखिया नृत्यको मौलिकता खस्किँदै जान

मन्दिर दर्शन गर्न सवारी बोकेर जाँदै गरेको जीप पाल्पामा दुर्घटना

बुटवल । पाल्पाको रैनादेबी छहरामा जीप दुर्घटना हुँदा ४ जना

राष्ट्रपति भण्डारीद्वारा नव कन्याको पूजा

काठमाडौं । राष्ट्रपति विद्यादेवी भण्डारीले नवदुर्गाको अवतारस्वरुप आज महानवमीको दिन

कंकालिनी मंन्दिरमा हेलिकप्टरबाट पुष्पवृष्टि, ६ सय ७५ राँगाको बली दिइँदै

सप्तरी । सप्तरीको हनुमाननगर कंकालिनी नगरपालिका भारदहस्थित कंकालिनी मन्दिरमा नेपाली

घाँटीमा मासुको हड्डी अड्किएर लमजुङमा एक जनाको मृत्यु

लमजुङ । मासु खाँदा घाँटीमा हड्डी अड्किएर लमजुङमा एक जनाको