पाटन अस्पतालमा दुई कोरोना संक्रमितको मृत्यु

काठमाडौं । ललितपुरको पाटन अस्पतालमा उपचाररत थप दुई जना कोरोना संक्रमितको मृत्यु भएको छ । अस्पतालका निर्देशक डाक्टर विष्णु शर्माका अनुसार ४५ वर्षीय पुरूष र ४१ वर्षीय महिलाको शुक्रबार बिहान मृत्यु भएको हो ।

कोरोना संक्रमित महिलाको शुक्रबार बिहान ११ बजे र संक्रमित पुरुषको बिहान ९ वजे मृत्यु भएको उनले बताए । उनका अनुसार सर्लाही घर भएका पुरूषको साउन १९ गते कोरोना संक्रमण देखिएको थियो भने ति पुरुषको आइसोलेसनमा राखेर उपचार भइराखेको थियो । करिब ५ महिनाअघि कुकुरले समेत टोकेको थियो ।

त्यसैगरी, सुनौली घर भएकी संक्रमित महिलाको पाठेघरको क्यान्सर समस्या उपचारका लागि अस्पताल भर्ना भएकी थिइन् भने सोही क्रममा कोरोना परीक्षणका गर्दा पोजेटिभ देखिएको उनले जानकारी दिए ।

यसअघि बिहीबार कोरोना संक्रमण देखिएर उपचाररत ४५ वर्षीय पुरूषको मृत्यु भएको थियो । ती मधुमेह र रक्तचापको समस्या देखिएर स्टार अस्पतालबाट उपचारका क्रममा कोरोना संक्रमण देखिएपछि साउन १७ गते पाटन रिफर भएका थिए ।

मृतक पुरुषमा मधुमेह र रक्तचापको समस्या रहेको अस्पतालले जनाएको छ ।