नेपालगन्ज । बाँकेमा समुदायमा देखिएको कोरोना संक्रमण निरन्तर उकालो लागिरहेको छ । उद्योगि, ब्यवसायी, कर्मचारी, कैदीबन्दी, ज्यालादारी कामदार, होटल ब्यवसायी, सुरक्षाकमी, सञ्चारकर्र्मी र स्वास्थ्कर्मी हुँदै बाँकेमा कोरोना भाइरसको संक्रमण प्रदेशसभा सदस्य सम्म पुगेको छ ।
बाँकेबाट प्रदेश ५ प्रदेशसभामा प्रतिनिधित्व गर्ने सभासद कृष्णा केसी नमुनाले आफुलाई कोरोना संक्रमण भएको खुलासा गरेकी छिन् । जनकार्य र सामाजिक काममा क्रियाशिल भईरहँदा आफुलाई कोरोना संक्रमण भएको उनले बताएकी छिन् । उनले आफुसँग क्लोज कन्ट्याक्टमा रहेका सबैलाई क्वारेन्टिनमा बस्न र पीसीआर परीक्षण गराउन अनुरोध गरेकी छिन् ।
यस अघि बाँकेमा संक्रमित भएका नेपाल उद्योग बाणिज्य महासंघका केन्द्रीय सदस्य कृष्ण प्रसाद श्रेष्ठ सहित होटल ब्यवसायी, पत्रकार लगायतले आइसोलेसनमा उपचार गराईरहेका छन् ।
बाँकेमा निरन्तर संक्रमितको संख्या बढेपछि नेपालगन्ज उपमहानगर क्षेत्रका अधिकांस स्थान सिल गरिएको छ भने जिल्लामा निषेधाज्ञालाई बढाईंदै लगिएको छ ।
प्रतिक्रिया