२५ मंसिर २०८०, सोमबार | December 11, 2023

बाँकेमा कोरोना पुष्टि भएका कम्तीमा १४ संक्रमित प्रशासनको सम्पर्क बाहिर, खोजीकार्य जारी, समुदाय थप जोखिममा



नेपालगन्ज । बाँकेमा स्वास्य कार्यालय, प्रयोगशाला र स्थानीयतह बीच समन्वय नहुँदा कोरोना संक्रमण पुष्टि भएका कम्तीमा १४ जना सम्पर्क बाहिर पुगेका छन् ।

बाँकेमा प्रयोगशालाको रिपोर्टको राम्रोसँग बिश्लेषण नगरी क्वारेन्टिनमा बसेकाहरुलाई घर पठाउने र घर पठाईसकेपछि उनीमा कोरोना देखिने गरेको छ ।

साउन २३ र २४ गते परिक्षण गरेर कोरोना पुष्टि भएका मध्य कम्तीमा १४ जना आईतबार बिहानसम्म सम्पर्कमा नआएको स्वास्थ्य कार्यालय स्रोतले जनाएको छ ।

२३ गते भेरी अस्पताल प्रयोगशालामा परिक्षण गरिएका मध्य ३ जना सम्पर्क बाहिर रहेको स्रोतले उल्लेख गरेको छ भने २४ गते आएको पोजिटिभ रिपोर्टकाहरु मध्ये ११ जना सम्पर्क बाहिर रहेको उल्लेख गरेको छ ।

स्रोतका अनुसार उनीहरु नगरपालिकाका स्वास्थ्य निरिक्षक जागेश्वर बस्नेतले पुरा रिपोर्ट नआउंदै क्वारेन्टिनबाट घर पठाएका व्यक्तिहरु हुन् । स्वास्थ्य कार्यालयका नेपालगन्ज उपमहानगर अन्तर्गतका अधिकृत रामबहादुर चन्दले भने आफुलाई यो सम्बन्धमा जानकारी नभएको प्रतिक्रिया दिए ।

अस्पतालमा स्वाव पठाउँदा विवरण खुलेको नाम ठेगाना नटिपाउने, प्रयोगशालाको रिपोर्टको बिश्लेषण नगरि क्वारेन्टिनबाट घर पठाउने तथा संक्रमण पुष्टि भए लगत्तै उनीहरुको खोजिमा तदारुकता नदेखाउने गरिएपछि समुदायमा अझै जोखिम बढेर गएको छ ।

२३ गते पुष्टि भएका ३ जना र २४ गते पुष्टि भएका ११ जना कहाँ छन् र उनीहरुले कतिजनालाई संक्रमण फैलाए भन्ने बिषयमा समयमा बिश्लेषण नगर्ने हो भने बाँकेमा कोरोनाले अझै बिकराल रुप धारण गर्ने सम्भावना देखिएको छ ।

बाँकेमा कोरोना संक्रमणले समुदायस्तरमा आक्रमण गरिसक्दा पनि सम्बन्धित निकायले गम्भिरता नअपनाएको पुष्टि भएको छ ।

शनिबारमात्र भेरी अस्पतालमा संक्रमण पुष्टि भएकी गर्भवती महिलाको उपचारमा संलग्न नर्सिङ स्टाफ र स्वास्थ्यकर्मीबाटै अन्य गर्भवती तथा बिरामीको उपचार भईरहेको छ ।

अस्पतालमा उपचारका लागि पुगेका गर्भवतीका आफँतले संक्रमितको उपचारमा संलग्न नर्सिङबाटै सेवा सुचारु गरिएको बताएपनि अस्पतालका मेडिकल सुपरिटेण्डेन्ट प्रकाश थापाले भने आरोपको खण्डन गर्दै २ जना चिकित्सक र ३ जना नर्सिङ स्टाफलाई क्वारेन्टिनमा पठाईएको दाबी गरे ।

पछिल्लो दिनमा बाँकेमा भाइरसका संक्रमित बिरामी निरन्तर बढिरहेका छन् । समुदायस्तरमै संक्रमण फैलिएपछि बाँके प्रशासनले नेपालगन्ज उपमहानगरका कतिपय क्षेत्रमा साउन २७ गते राति १२ बजेसम्म सिल गरेको छ । स्थानीय प्रशासनले गरेको सिललाई कार्यान्वयन गर्न नेपालगन्ज उपमहानगर क्षेत्रमा सेना परिचालन समेत गरिएको छ । गयरातीबाट नेपालगन्जका बिभिन्न स्थानहरुमा सेना परिचालित भएका छन् ।

बाँके जिल्लाभर लगाइएको निषेधाज्ञालाई पनि साउन २७ राति बजेसम्म नै थप गरेको छ ।

प्रकाशित मिति : २५ श्रावण २०७७, आइतबार  ९ : ४७ बजे

ध्रुवे हात्तीलाई रेडियोकलर जडान

चितवन । चितवन राष्ट्रिय निकुञ्जले जङ्गली हात्ती ध्रुवेलाई रेडियोकलर जडान

रास्वपाले संसदीय दलको विधान पुनःसंरचना गर्ने

काठमाडौं । राष्ट्रिय स्वतन्त्र पार्टी (रास्वपा)ले संसदीय दलको विधान पुनःसंरचना

गणतन्त्रको विकल्प निरङ्कुशतन्त्र हुनै सक्दैन : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल ‘प्रचण्ड’ले सरकारले थालनी गरेका जनपक्षीय

कुश्मा-नयाँ बुटवल दुई सय २० केभी प्रसारण लाइनको उद्घाटन

काठमाडौं । नवलपरासी, रुपन्देहीलगायत जिल्लामा सहज विद्युत् आपूर्तिका लागि महत्वपूर्ण

उद्योगी ब्यवसायीले पठाए प्रधानमन्त्री र गभर्नरलाई आन्दोलनको चेतावनी सहितको ज्ञापनपत्र

नेपालगन्ज । बैंक तथा बित्तीयसंस्थाहरुले ज्यादती गरेको भन्दै आन्दोलित भएका