तौलिहवा । कपिलवस्तु सदरमुकाम तौलिहवास्थित कपिलवस्तु जिल्ला अस्पतालका स्वास्थ्यकर्मीमा कोरोना संक्रमण भएपछि अत्यावश्यकबाहेकका सबै सेवाप्रवाह स्थगित गरिएको छ ।
जोखिममा रहेका कर्मचारीहरुको स्वाब रिपोर्ट नआएसम्म सेवा स्थगित गरिएको छ । सम्भावित संक्रमणबाट जोगिन आकास्मिक बाहेकका सेवा बन्द गर्नुपरेको अस्पतालका मेडिकल सुपरिटेन्डेन्ट किशोर बन्जाडेले बताए ।
अस्पतालको विभिन्न विभागमा कार्यरत कर्मचारीलाई कोरोना पुष्टि भएको छ ।
अस्पतालका एक जना नर्सिङस्टाफ, ल्याबका एक कर्मचारी, एक्सरे र ओपीडीमा काम गर्ने कर्मचारीमा कोरोना संक्रमण पुष्टि भएको थियो ।
यसअघि पनि कपिलवस्तु जिल्ला अस्पतलामा कार्यरत स्वास्थ्यकर्मीमा कोरोना संक्रमण भएको थियो । हालसम्म जिल्ला अस्पतालमा कार्यरत ६ जना स्वास्थ्य कर्मचारीमा कोरोना संक्रमण भएको छ ।
प्रदेश ५ मा कपिलवस्तुमा सबैभन्दा धेरै कोरोना संक्रमित देखिएका थिए । जिल्ला कोरोनाको हटस्पट जस्तै बनेको थियो । तर पुराना संक्रमितहरु सबै निको भएर घर फर्किसकेको छन् ।
पछिल्लो दिनमा फेरि संक्रमण देखिन थालेको छ ।
प्रतिक्रिया