मेडिसिटी अस्पतालमा उपचाररत एक कोरोना संक्रमितको मृत्यु

काठमाडौं । ललितपुरको मेडिसिटी अस्पतालमा एक जना कोरोना संक्रमितको मृत्यु भएको छ ।

मेडिसिटीमा उपचाररत कीर्तिपूरको ट्याङलाफाँटका ६४ वर्षीय पुरुषको सोमबार बिहान मृत्यु भएको हो ।

ती पुरुष निमोनिया र मधुमेहका रोगी थिए । स्वास्थ्यमा समस्या आएपछि गत साउन १५ गते उनलाई अस्पताल भर्ना गरिएको थियो । अस्पतालबाटै उनको स्वाव परीक्षण गर्दा कोरोना पुष्टि भएको थियो ।

यससँगै नेपालमा कोरोना भाइरसको संक्रमणबाट मृत्यु हुनेको संख्या ७७ पुगेको छ ।