बाँकेका ३० संक्रमित निको भएर घर फर्किए

नेपालगन्ज । कोरोना भाइरसको संक्रमणबाट मुक्त भएर बाँकेमा बिहीबार ३० जना व्यक्ति डिस्चार्ज भएका छन् ।

संक्रमणपछि बाँकेका विभिन्न आईशोलेशन सेन्टरमा रहेका उनीहरु आज घर फर्केका हुन् ।

खजुराको सुशील कोईराला प्रखर क्यान्सर अस्पतालमा निर्माण गरिएको कोरोना आईसोलेशन अस्पतालबाट ४ जना, लायन्स डेन्टल अस्पताल खजुरारोड आईसोलेशन सेन्टरबाट १३ जना व्यक्ति घर फर्किएको जिल्ला कोरोना फोकलपर्शन नरेश श्रेष्ठले बताए ।

यसैगरी आन्तरिक राजस्व कार्यालय आईशोलेशन सेन्टरबाट ११ जना र आदर्शनगर आईशोलेशन सेन्टरबाट २ जना गरी ३० जनाले कोरोना जितेर घर फर्केको छन् ।

बाँकेमा हालसम्म कोरोना संक्रमितको संख्या ६ सय ६७ पुगेको छ । जसमध्ये हालसम्म ४ सय ३५ जना डिस्चार्ज भैसकेका छन् ।

बाँकी २ सय २९ जना सक्रिय संक्रमितहरु अझै पनि विभिन्न आईशोलेशन सेन्टरमा रहेको कोराना फोकलपर्शन श्रेष्ठले जानकारी दिए । संक्रमितमध्ये दुई महिला र १ पुरुष गरी तीन जनाको ज्यान गैसकेको छ ।