बुटवल । बुधबार देखि लुम्बिनी प्रादेशिक अस्पतालको आकस्मिक कक्षमा उपचार गराईरहेका २ जनामा कोरोना पुष्टि भएको छ । बुधबार देखि प्रादेशिक अस्पतालमा भर्ना भएर उपचार गराइरहेका २ जना बिरामीमा बिहिबार कोरोना संक्रमण पुष्टि भएको हो ।
कपिलवस्तु र प्युठानबाट बुधबार उपचारका लागि भर्ना भएका २ जना पुरुषको आकस्मिक कक्षमा उपचार चलिरहेको थियो ।
उपचारत बिरामीमा कोरोना देखिएसँगै अस्पतालको आकस्मिक कक्षको काम केहि बेर बन्द गरेर सेनेटाइज गरिएको थियो । आकस्मिक कक्षलाई सेनेटाइज गरेपछि भने मध्यान्हबाट अस्पतालको सेवा नियमित अवस्थामा ल्याइएको छ।
दिउसो केहीबेर सेवा स्थगित गरेर अस्पताललाई सरकारले निर्धारण गरेको मापदण्डअनुसार सेनेटाइज गरिएको अस्पतालका प्रवक्ता डा. बिष्णु गौतमले बताए ।
भर्ना हुन आएका दुबैमा देखिएको लक्षणका आधारमा पीसीआर परीक्षण गराउँदा रिपोर्ट पोजेटिभ आएको प्रवक्ता डा गौतमले जानकारी दिए।
दुवै बिरामीलाई आइसोलेशनमा राखेर उपचार थालिएको छ।
प्रतिक्रिया