सुर्खेत । कालिकोट पहिरोमा मृत्यु भएका एकै परिवारका ६ जनाको सनाखत भएको छ ।
जिल्लाको महावै गाउँपालिका–३, नकुमा बिहीबार राति १२ बजे वडा सदस्य राजबहादुर बिष्टको घर पहिरोले पुर्दा उनको परिवारका ६ सदस्यको मृत्यु भएको थियो ।
मृत्यु हुनेमा वडासदस्य विष्टका छोरा १३ वर्षीय पुष्प विष्ट, ११ वर्षीय प्रविण विष्ट रहेका छन् । यसैगरी, १८ वर्षीया छोरी सविना विष्ट र १५ वर्षीया छोरी आशा विष्टको मृत्यु भएको छ ।
यस्तै राजबहादुरकै दाजु डिलबहादुर विष्टका १९ वर्षीया छोरी शान्ति विष्ट र १० वर्षीया छोरी रेखा विष्टको पनि पहिरोमा परी मृत्यु भएको कर्णाली प्रदेश प्रहरी कार्यालयका प्रवक्ता एसएसपी राजेशनाथ बास्तोलाले जानकारी दिए ।
मध्यराति १२ बजेसम्म तीजको नाचगान गरेका उनीहरुमाथि एक्कासी पहिरो खसेपछि पुरिएका थिए । मृतक सबैको शव शुक्रबार बिहान मात्रै शव निकालिएको थियो ।
प्रतिक्रिया