काठमाडौं । काठमाडौंको न्यूरोड क्षेत्रमा एक प्रतिस्थित व्यापारीमा कोरोना संक्रमण देखिएपछि न्यूरोडको जुद्धचौक देखि ईन्द्रचौक सम्मका सबै पसलहरु बन्द गरिएको छ ।
स्थानीय व्यापारीमा संक्रमण देखिएपछि काठमाडौं महानगरपालिकाको वडा नम्बर २४ मा पर्ने न्यूरोडको जुद्ध सालिक देखि विशालबजार हुँदै इन्द्रचोकसम्मका पसलहरु बन्द गरिएको हो । काठमाण्डौ महानगरको २४ नम्बर वडा कार्यालयले शुक्रबारबाट लागु हुने गरी भदौ ७ गतेसम्म त्यसक्षेत्रका सबै पसलहरु बन्द गराएको हो ।
बिहिबार वडा कार्यालयले विज्ञप्ती जारी गर्दै न्यूरोड क्षेत्रमा कोरोना संक्रमण गर्नु आवश्यक रहेकाले साउन ३० गतेदेखि भदौ ७ गतेसम्म जुद्ध सालिकलदेखि इन्द्रचोकसम्मका पसल, व्यवसाय बन्द गर्न अनुरोध गरेको थियो ।
वडाको बिज्ञप्तिमा न्युरोड क्षेत्रमा कोरोना संक्रमण नियन्त्रण गर्नुपर्ने अति आवश्यक देखिएको हुँदा उक्त क्षेत्रमा मिति २०७७ साउन ३० देखि भदौ ७ गतेसम्म जुद्ध सालिकदेखि इन्द्रचोकसम्म पसल व्यवसाय बन्द गरी कोरोना संक्रमण फैलिनबाट बच्नका लागि सहयोग गरिदिनुहुन अनुरोध गरेको छ ।
उपत्यकामा बिगत केहि दिन देखि प्रत्येक दिन १ सय बढीको संख्यमा संक्रमित थपिईरहेका छन् ।
प्रतिक्रिया