काठमाडौं । नेपालमा कोरोना भाइरसको संक्रमण फैलिने झन पछि झन बढ्दै छ । पछिल्लो २४ घण्टामा कोरोना भाइरसका ५८१ जना नयाँ संक्रमित थपिएका छन् ।
११ हजार ५२० पीसीआर परीक्षण गर्दा ५८१ जनामा संक्रमण देखिएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले जानकारी दिए ।
काठमाडौं उपत्यकामा १६८ जना संक्रमित थपिएका छन् । काठमाडौंमा मात्रै १३९ जना संक्रमित थपिएका छन् । ललितपुरमा १५ र भक्तपुरमा १४ जना संक्रमित थपिएका छन् ।
योसँगै नेपालमा कुल संक्रमितको संख्या २७ हजार २ सय ४१ पुगेको छ ।
हालसम्म जना व्यक्ति संक्रमणबाट मुक्त भएर १७ हजार ४९५ जना डिस्चार्ज भएका छन् । पछिल्लो २४ घण्टामा १६० जना डिस्चार्ज भएको प्रवक्ता गौतमले बताए ।
देशभरीका आइसियुमा १ सय १३ जना उपचाररत रहेका छन । नम्बर १ मा १ जना, प्रदेश नम्बर २ मा ४१ जना, बागमती प्रदेशमा ५९ जना, गण्डकी प्रदेशमा १ जना र प्रदेश नम्बर ५ मा ११ जना संक्रमित उपचाररत रहेका छन । बागमती प्रदेशमा ६ जना संक्रमित भेन्टिलेटरमा उपचाररत रहेका छन ।
देशभरका विभिन्न स्थानमा रहेका क्वारेन्टिनमा रहनेहरुको संख्या १५ हजार १९८ रहेको छ ।
प्रतिक्रिया