हेटौंडा । बागमती प्रदेशसभाका उपसभामुख राधिका तामाङलाई कोरोना भाइरसको संक्रमण भएको छ ।
सोमबार गरिएको पीसीआर परीक्षणमा उपसभामुख तामाङलाई संक्रमण पुष्टि भएको बागमती प्रदेशको सामाजिक विकास मन्त्रालयले जनाएको छ ।
तामाङको हेटौंडास्थित किटजन्य रोग तथा अनुसन्धान तालिम केन्द्रको प्रयोगशालामा पीसीआर परीक्षण गरिएको थियो ।
उपसभामुख तामाङको एक छोरालाई पनि कोरोना संक्रमण पुष्टि भएको मन्त्रालयले जनाएको छ । तर, परिवारका अन्य सदस्यहरुको रिपोर्ट भने नेगेटिभ आएको मन्त्रालयले जनाएको छ ।
तामाङ हाल आफ्नै सरकारी निवासमा रहेका छन् । उनीहरु निवासमै होम क्वारेन्टिनमा बस्ने उपसभामुखको सचिवालयले जनाएको छ । तामाङको सम्पर्कमा आएकाहरुमा कन्ट्रयाक ट्रेसिङको आधारमा स्वाब संकलन भइरहेको छ ।
प्रतिक्रिया