काठमाडौं । ग्लोबल आइएमई बैंकले कल सेन्टरको सुरुवात गरेको छ ।
बढ्दो डिजिटल प्रविधिको विकास र व्यस्त जीवन शैलीसँगै ग्राहकको बैंकिङ्ग आवश्यकतालाई सम्बोधन गर्ने उद्देश्यले एकद्वार प्रणाली अनुरुप ग्लोबल कनेक्ट नामक कल सेन्टरको सुरुवात गरेको गरेको बैंकले जनाएको छ ।
मंगलबार एक विज्ञप्ति जारी गर्दै बैंकले ग्लोबल कनेक्टले डिजिटल युगको आवश्यकता अनुसार बैंकका ग्राहकहरुको मागलाई सम्बोधन गर्ने जनाएको छ ।
ग्लोबल कनेक्टमार्फत ग्राहकहरुले सुरुवाती चरणमा बिहान ८ बजेदेखि बेलुका ७ बजेसम्म फोन गरीआफ्ना विभिन्न जिज्ञासाको समाधान, गुनासो, सूचना, तथा सुझावका लागी सम्पर्क गर्न सक्नेछन् ।
यसका लागि ग्राहकले +९७७–१–५९७०६०० मा फोन गरी ग्लोबल कनेक्टमार्फत बैंकको विभिन्न सेवासम्बन्धी जानकारी हासिल गर्न सक्ने विज्ञप्तिमा जनाइएको छ । ग्लोबल कनेक्टको सुरुवातले आफ्ना सेवाग्राहीलाई थप सहयोग मिल्ने बैंकले विश्वास लिएको छ ।
देशको ७१ वटा जिल्लामा ग्लोबल आइएमई बैंकको शाखा सञ्जाल पुगेको छ । यस्तै, २३४ एटिएम, ४१ एक्सटेन्सन काउण्टर तथा राजश्व संकलन काउण्टर, २१८ शाखारहित बैंकिङ्ग सेवा र ३ अन्तर्राष्ट्रिय प्रतिनिधि÷सम्र्पक कार्यालय मार्फत बैंकले आफ्ना २० लाख भन्दा बढि ग्राहकलाई सेवा दिँदै आएको छ ।
प्रतिक्रिया