ट्रम्पको सम्बोधनपछि तेलको मूल्यमा उकालो

अमेरिकी राष्ट्रपति डोनाल्ड ट्रम्पले ह्वाइट हाउसमा दिएको सम्बोधनपछि विश्वव्यापी तेलको मूल्यमा वृद्धि भएको छ। उनको सम्बोधन इरानमा जारी युद्धसँग सम्बन्धित थियो।

ट्रम्पले सम्बोधन सुरु गर्नु अघि बेन्चमार्क ब्रेन्ड क्रुड आयलको मूल्य करिब प्रतिव्यारेल १०० डलर आसपास थियो। तर उनको भाषणको क्रममा यसको मूल्यमा उतारचढाव देखिएको थियो।

तर सम्बोधन सकिएपछि भने तेलको मूल्य निरन्तर बढ्दै गएको छ। हाल यसको मूल्य करिब ४ प्रतिशतले बढेर प्रतिव्यारेल १०५.३८ डलर पुगेको छ।

ट्रम्पले स्टेट अफ हर्मुज सम्बन्धी कुनै घोषणा गर्न सक्ने अनुमान गरिएको थियो। तर त्यसबारे कुनै नयाँ जानकारी नआएपछि तेलको मूल्य बढेको देखिएको छ।

होर्मुज विश्व अर्थतन्त्रका लागि अत्यन्त महत्वपूर्ण समुद्री मार्ग हो, किनकि विश्वको करिब २० प्रतिशत ऊर्जा व्यापार यही संकुचित समुद्री मार्गबाट हुने गर्दछ।

फेब्रुअरी २८ मा युद्ध सुरु भएयता यो मार्ग लगभग बन्दजस्तै अवस्थामा छ, किनकि इरानले अमेरिकी र इसरायली हवाई आक्रमणको जवाफमा यस मार्ग हुँदै जाने जहाजमाथि आक्रमण गर्न सक्ने चेतावनी दिएको छ।