बुटवल । बुटवलको सुख्खानगर स्थित तिनाउ ईन्टरनेशनल अस्पतालमा अप्रेशन सकिए लगत्तै बिरामीको कारोना पुष्टि भएपछि अस्पतालको ३ वटा वार्ड सिल गरेर चिकित्सक सहित स्वास्थ्यकर्मीहरु आइसोलेट भएका छन् ।
बुटवल मिलनचोकका एक जना बिरामीको एपेन्डिक्सको अप्रेशन गरे लगत्तैे कोरोना पुष्टि भएको रिपोर्ट आएपछि चिकित्सक सहित स्वास्थ्यकर्मी आइसोलेसनमा बसेर अस्पतालको प्रमुख वार्डहरु सिल गरिएको होे ।
एपेन्डिक्स फुट्ने अवस्थामा पुगेका कारण पीसीआर रिपोर्टको प्रतिक्षा नगरि शल्यक्रिया थालिएकोमा बिरामीको शल्यक्रिया सकिए लगत्तै कोरोना पुष्टि भएको अस्पतालले जनाएको छ । ‘शल्यक्रिया लगत्तै कोरोना पुष्टि भयो, चिकित्सक सहित स्वास्थ्यकर्मीलाई क्वारेन्टिनमा बसालेर ओटी र पोष्ट ओटी सिल गरेका छौं ।’ अस्पतालका अध्यक्ष चिरन्जिबी जोशीले भने ।
बिरामीको अवस्था सामान्य रहेको र अस्पतालको ओटी, पोष्ट अप्रेशन र आपिडी सेवा बन्द गरिएको अध्यक्ष जोशीले बताए । उनले ३ जना चिकित्सक सहित १२ जना स्वास्थ्यकर्मीलाई क्वारेन्टिनमा राखिएको बताए ।
तिनाउ ईन्टरनेशनल अस्पताल प्रदेश ५ को एक मात्र न्युरो अस्पताल भएको अस्पतालले दाबी गर्दै आएको छ ।
प्रतिक्रिया