नेपालगन्ज । स्थानीय प्रशासनले सेना परिचाल गर्दै निषेधाज्ञा कार्यान्वयन गरेयता बाँकेमा कोरोना संक्रमित थपिएको तुलनामा डिस्चार्ज हरनेको संख्या बढी देखिएको छ ।
निषेधाज्ञा हटाईएपनि प्रहरी प्रशासन र सामाजिक संस्थाहरुको निरन्तर निगरानी कारण बाँकेमा संक्रमित थपिने संख्याको तुलनामा संक्रमण मुक्त हुनेको संख्या बढ्दै गएको आंकलन गरिएको छ ।
शुक्रबार ५१ जनालाई आईसोलसन अवधि पुरा गराएर घर पठाएको स्थानीय प्रशासनले शनिबार बिहान थप २१ जनालाई कोरोना मुक्त घोषणा गर्दै घर पठाएको छ ।
शुक्रबारसम्म बाँकेदेखि बाहिरी जिल्लाका समेत गरी जिल्लामा ८११ जनालाई कोरोना संक्रमण देखिएकोमा ५ सय ६८ जना संक्रमणमुक्त भई डिस्चार्ज भईसकेका छन ।
शनिबार ८ जना महिला सहित १३ जना पुरुष कोरोना मुक्त भएर घर फर्कदैं गरेको स्वास्थ्य कार्यालय बाँकेका फोकल पर्सन नरेश श्रेष्ठका जानकारी दिए । संक्रमण पुष्टि भएपछि उनीहरुलाई गत साउन २४ गते आईसोलेशन सेन्टरमा भर्ना गरिएको थियो ।
आइसोलेशनमा राखिएको १४ दिनपछि कोरोनाको लक्षण नदेखिएका व्यक्तिहरुलाई डिस्चार्ज गर्न लागिएको श्रेष्ठले बताए ।
बाँकेका विभिन्न आईसोलेशन सेन्टरमा अझैं पनि २३५ जनाको उपचार भईरहेको छ ।
बाँकेमा ८०७ जनामा संक्रमण पुष्टि भएकोमा ४ जनाको मृत्यु भएको छ ।
प्रतिक्रिया