–
कोभिड- १९ अपडेट मुख्य समाचार
गण्डकी प्रदेशमा थपिए २४ जना कोरोना संक्रमित
रासस ५ मिनेट पहिले
पोखरा । गण्डकी प्रदेशमा शनिबार थप २४ जनामा कोरोना सक्रमण पुष्टि भएको छ ।
कास्कीमा १६ नवलपुरमा तीन, तनहुँमा दुई, स्याङजाका दुई र बागलुङका एक जनामा कोरोना सङ्क्रमण देखिएको प्रदेश स्वास्थ्य निर्देशनालका निर्देशक डा. विनोदविन्दु शर्माले जानकारी दिए ।
प्रदेश क्षयरोग केन्द्र पोखरा, पोखरा स्वास्थ्य विज्ञान प्रतिष्ठान र राष्ट्रिय जनस्वास्थ्य प्रयोगशाला काठमाडौँमा भएको परीक्षणमा २४ जनामा कोरोना भाइरस सङ्क्रमण पुष्टि भएको हो । योसँगै गण्डकी प्रदेशमा सङ्क्रमितको सङ्ख्या एक हजार ८६८ पुगेको छ ।
डा. शर्माका अनुसार गण्डकी प्रदेशमा अहिलेसम्म एक हजार ५९२ जना निको भएर घर फर्किएका छन् । अहिलेसम्म सात जनाको मृत्यु भएको छ ।
गण्डकी प्रदेशका नौ जिल्लाका अस्पतालका आइसोलेशनमा २६९ जना रहेका छन् । हाल आइसोलेशनमा सक्रिय रहेका २४७ केस छन् । क्वारेन्टिनमा एक हजार ८४ जना रहेका छन् ।
त्यसैगरी भारतबाट १२ हजार ९ सय १५ र तेस्रो मुलुकबाट ६ हजार १ सय ९८ गरी जम्मा १९ हजार १ सय १३ जना प्रदेश भित्रिएको तथ्याङ्क छ ।
प्रतिक्रिया