काठमाडौं । शनिबार देशभर कोरोना भाइरसका ६३४ जना नयाँ संक्रमित थपिएका छन् ।
१२ हजार ५१९ नमुना पीसीआर परीक्षण गराउँदा ६३४ जना संक्रमित पुष्टि भएको स्वास्थ्य तथा जनसंख्या मन्त्रालयलका प्रवक्ता प्राडा जागेश्वर गौतमले जानकारी दिए । हालसम्म ५ लाख ९२ हजार ४१८ पीसीआर परीक्षण भैसकेको छ ।
६३४ संक्रमित मध्ये १८२ महिला र ४५२ पुरुष रहेका छन् ।
काठमाडौं उपत्यकामा २१६ जना संक्रमित थपिएका छन् । काठमाडौंमा १६० जना थपिएका छन् । ललितपुरमा ६ जना संक्रमित थपिएका छन् । भक्तपुरमा शनिबार सबैभन्दा धेरै ५० जना संक्रमित थपिएका छन् ।
सक्रिय संक्रमितको संख्या १२ हजार ६२१ रहेका छन् । संस्थागत आइसोलेसनमा ८ हजार ७०५ जना संक्रमित बसेका छन् । यस्तै, होम आइसोलेसनमा ३ हजार ९१६ जना संक्रमित रहेका छन् ।
पछिल्लो २४ घण्टामा १३६ जना संक्रमण मुक्त भएर घर फर्किएका छन् । हालसम्म डिस्चार्ज हुनेको संख्या १८ हजार ३५० पुगेको छ ।
देशभरका क्वारेन्टिनमा ११ हजार ६५८ जना रहेको गौतमले जनाए ।
प्रतिक्रिया