बुटवलको कोरोना अस्पतालमा थप दुई जनाको मृत्यु, रुपन्देहीमा मृत्यु हुनेको संख्या ४ पुग्यो

बुटवल । बुटवलको कोरोना बिषेश अस्पतालमा उपचाररत २ जना कोरोना संक्रमितको आज मृत्यु भएको छ ।

साउन ३१ गते कोरोना पोजेटिभ पुष्टि भएपछि लुम्बिनी प्रादेशिक अस्पतालमा भर्ना भएकी बुटवल वडा नम्बर १ की ६७ वर्षीया महिलाको आज मध्यान्ह १ बजे कोरोना बिषेश अस्पतालमा मृत्यु भएको प्रादेशिक अस्पतालले जनाएको छ ।

अस्पतालले जारी गरेको बिज्ञप्ति अनुसार आजै रुपन्देहीको सम्मरीमाई गाँउ पालिकाका ३८ वर्षीय पुरुषको पनि दिउँसो १ः१० बजे मृत्यु भएको उल्लेख गरिएको छ ।

भाद्र १ गते स्वास प्रश्वासमा समस्या आएपछि उनी अस्पताल पुगेका थिए । दुबैजनाको कोरोना अस्पतालमा भेन्टिलेटरमा उपचार भईरहेको थियो ।

मृतक महिला पहिले देखि नै स्वासप्रश्वासको समस्या तथा मृगौलाको बिरामी रहेको र मतक पुरुष कोरोनाको लक्षण पुष्टि हुने सास फेर्न अप्ठयारो भएपछि अस्पताल पुगेको अस्पतालले जनाएको छ ।

लक्षणका आधारमा पीसीआर परीक्षण गर्दा उनीको कोरोना पुष्टि भएको थियो ।

रुपन्देहीमा योसँगै कोरोनाका कारण मृत्यु हुनेको संख्या ४ पुगेको छ ।