काठमाडौं । आइतबार कोरोना भाइरसका ८ सय १८नयाँ संक्रमित थपिएका छन् ।
८ हजार २६ पीसीआर परीक्षणमा ८ सय १८जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।
काठमाडौं उपत्यकामा १ सय ६६ जना संक्रमित थपिएका छन् । काठमाडौंमा १ सय २६ जना ललितपुरमा १२ जना र भक्तपुरमा २८ जना संक्रमित थपिएको डा. गौतमले जानकारी दिए ।
जसमध्ये २ सय २० महिला र ५ सय ९८ जना पुरुष रहेका छन् ।
देशभर सक्रिय संक्रमितको संख्या १३ हजार १ सय ५५ रहेका छन् । जसमध्ये संस्थागत आइसोलेसनमा ९ हजार २१२ जना छन् । यस्तै, होम आइसोलेसनमा आइतबारसम्म ३ हजार ९ सय ४३ जना रहेका छन् ।
पछिल्लो २४ घण्टामा २ सय ८१ जना संक्रमित निको भएर घर फर्किएका छन् । हालसम्म १८ हजार ६ सय ३१ जना निको भएर घर फर्किएको डा. गौतमले बताए ।
देशभरका क्वारेन्टिनमा आइतबार ११ हजार ४ सय १४ जना रहेका छन् ।
हालसम्म ६ लाख ४ हजार ४४ पीसीआर परीक्षण भैसकेको छ ।
प्रतिक्रिया