धरान । बीपी कोइराला स्वास्थ्य विज्ञान प्रतिष्ठान धरानमा उपचाररत धरानकै अर्का एक कोरोना संक्रमित व्यक्तिको मृत्यु भएको छ ।
धरान उपमहानगरपालिका ८ का ६८ वर्षीय संक्रमितको आइतबार साँझ मृत्यु भएको प्रतिष्ठानले जनाएको छ ।
बीपी कोइराला स्वास्थ्य विज्ञान प्रतिष्ठान धरानका प्रबक्ता डा. निदेश सापकोटाले दिएको जानकारी अनुसार उनमा अत्याधिक खोकी, स्वास फेर्न समस्या र ज्वरो आएको थियो । त्योसँगै उच्च रक्तचाप, मधुमेह पनि थियो ।
साउन २९ गते विजयपुर हस्पिटलमा उपचारको क्रममा उनको कोरोना पोजेटिभ रिपोर्ट आएको थियो ।
त्यसपछि, साउन ३० गते बीपी कोइराला स्वास्थ्य विज्ञान प्रतिष्ठानको कोभिड १९ अस्पतालमा भर्ना भएका थिए ।
मृतक बीपी प्रतिष्ठानमा प्लाज्मा थेरापी विधिबाट उपचार गराउने पहिलो कोरोना संक्रमित हुन् ।
उनी धरानमा जग्गा तथा हार्डवेयर व्यापारी पनि हुन् ।
यससँगै धरानमा मात्रै मृत्यु हुनेको संख्या ३ पुगेको छ
प्रतिक्रिया