धरान । धरानको बीपी स्वास्थ्य विज्ञान प्रतिष्ठानमा उपचाररत एक जना युवाको कोरोना पुष्टि भएकै अर्को दिन मृत्यु भएको छ । बीपी स्वास्थ्य विज्ञान प्रतिष्ठानमा अस्पतालमा उपचाररत २२ वर्षे युवाको आईतबार कोरोना पुष्टि भएको र सोमबार मृत्यु भएको प्रतिष्ठानले जनाएको छ ।
सिराहको मलाहाना गाउँपालिका वडा २ गोविन्दपुरका ती युवामा आइतवार कोरोना संक्रमण पुष्टि भएको थियो।
श्वासप्रश्वासमा समस्या, अत्याधिक खोकी र ज्वरो देखिएपछि उनलाई प्रतिष्ठानमा भर्ना गरिएको थियो। संक्रमित युवाको सोमबार ३ बजे मृत्यु भएको वीपी कोइराला स्वास्थ्य विज्ञान प्रतिष्ठानका प्रवक्ता डा निदेश सापकोटाले जानकारी दिएका छन्।
युवा मुटु रोगीसमेत रहेको अस्पतालले जारी गरेको विज्ञप्तिमा उल्लेख छ।
प्रतिक्रिया