२५ बैशाख २०८१, मंगलबार | May 7, 2024

कोरोना भाइरस नियन्त्रणका सम्बन्धमा मुख्यमन्त्री पोखरेलको जिल्लाका प्रजिअहरुसँग भर्चुअल संबाद



बुटवल । प्रदेश नम्बर ५ का मुख्यमन्त्री शंकर पोखरेलले कोरोना रोकथाम तथा उपचारमा भइरहेका प्रयास र गर्नुपर्ने कामबारे प्रदेशका १२ वटै जिल्लाका प्रमुख जिल्ला अधिकारीसंग एकीकृत भिडियो संवाद गरेका छन् ।

नेपाल कम्युनिष्ट पार्टी नेकपामा चुलिएको विबाद साम्य पार्ने उद्देश्यले गठीत कार्यदलको प्रतिबेदन दुई अध्यक्षलाई बुझाएर प्रदेश राजधानी फर्के लगत्तै उनले प्रमुख जिल्ला अधिकारीहरुसँग भिडियो सम्बाद गरेका हुन् ।

१२ वटै जिल्लाका प्रमुख जिल्ला अधिकारीहरुले मुख्यमन्त्री पोखरेललाई जिल्लाको समग्र अवस्थाको जानकारी दिदै कोरोना नियन्त्रण र उपचारका लागि गर्ने कामबारे प्रसतबेदन प्रस्तुत गरेका थिए ।

एकीकृत भिडियो संवादमा मुख्यमन्त्री पोखरेलले जिल्लामा क्वारेन्टाइन र आइसोलेसन केन्द्र आवश्यकता अनुसार बनाउन, पिसिआर परिक्षण र कन्ट्याक टे«सिङको काम प्रभावकारी बनाउन निर्देशन दिएको मुख्यमन्त्रीका प्रेस सल्लाहकार शेर बहादुर केसीले जनाएका छन् । केसीका अनुसार मुख्यमन्त्रीले लकडाउन र निषेधाज्ञालाई आवश्यकता र औचित्यताको आधारमा गर्न र लकडाउन र निषेधाज्ञा गरिएको जिल्ला र क्षेत्रमा कडाईका साथ पालना गराउनुपर्नेमा जोड दिएका थिए ।

उनले भारतबाट आउने नागरिकलाई व्यवस्थित अभिलेख राखी प्रवेश गराउन, होल्डिङ क्वारेन्टाइनमा राखेर सम्बन्धित जिल्लामा पठाउन, सीमाबाट छोटो आवतजावतलाई रोक्न र सीमा नाकामा कडाई गर्न प्रमुख जिल्ला अधिकारीहरुलाई निर्देशन दिए ।
उनले प्रमुख जिल्ला अधिकारीहरुलाई कोभिडले श्रृजना गरेको मानवीय त्रासलाई न्युनिकरण गर्न सञ्चार माध्यममार्फत सूचना प्रवाह गर्न तथा कोभिडको उपचार तथा शान्तिसुरक्षाको प्रबन्धलाई अघि बढाउन आग्रह समेत गरे ।

प्रमुख जिल्ला अधिकारीहरुले जिल्लागत भएका काम र समस्या प्रस्तुत गरेका थिए । उनीहरुले तत्काल प्रदेश र संघीय सरकारले गर्नुपर्ने कामबारे मुख्यमन्त्रीलाई जानकारी गराएको प्रेस सल्लाहकार केसीले उल्लेख गरेका छन् ।

प्रकाशित मिति : ८ भाद्र २०७७, सोमबार  ७ : ३६ बजे

शैक्षिक क्षेत्रमा भएको सिन्डिकेट तोड्छौँ : मन्त्री गंगा श्रेष्ठ

सिन्धुली । बागमती प्रदेश सरकारका प्रवक्ता, आन्तरिक मामिला तथा कानुन

म विरुद्ध छानबिन समिति बनाउने कुनै आधार छैन- गृहमन्त्री लामिछाने

काठमाडौं । राष्ट्रिय स्वतन्त्र पार्टीका सभापति एवं गृहमन्त्री रवि लामिछानेले

राज्यका निकायले निजी क्षेत्रलाई तर्साउने र निरुत्साहित गर्ने काम गर्दैन : अर्थमन्त्री पुन

काठमाडौं । अर्थमन्त्री वर्षमान पुनले सरकारका तर्फबाट निजी क्षेत्रलाई निरुत्साहित

६० वर्षमाथिका महिलालाई लुम्बिनी केबलकारमा ५० प्रतिशत छुट

बुटवल । मातातिर्थ औंशी का अवसरमा लुम्बिनी केबलकारले ६० वर्षमाथिका

स्वस्तिक हेल्थ केयर सेन्टर र प्रभु बैंकबीच विशेष छुट सम्झौता

काठमाडौं । प्रभु बैंक लिमिटेडका ग्राहक तथा कर्मचारीहरुलाई ताल्छिखेल, सातदोबाटो,