पोखरा । लमजुङमा खटिएका १७ सेनासहित गण्डकी प्रदेशमा थप २३ जनामा कोरोना संक्रमण पुष्टि भएको छ ।
गण्डकी स्वास्थ्य निर्देशनालयले जारी गरेको पछिल्लो अपडेट अनुसार लमजुङमा सेनासहित २० जना, कास्कीमा दुई जना र पूर्वी नवलपरासीमा एक जना संक्रमित थपिएका छन् ।
लमजुङको श्रीजंग दलमा कार्यरत २९ वर्षीय जवानलाई संक्रमण पुष्टि भएपछि कन्टयाक्ट ट्रेसिङ गरिएको थियो । त्यस क्रममा थप १७ सैनिकमा संक्रमित भएको हो ।
यस्तै अन्य तीन जनामा ग्लोबल आईएमई बैंकका सुरक्षा गार्ड र बेँसीसहर वडा नम्बर ८ का थप २ जनामा पनि संक्रमण देखिएको छ।
यसैगरी पोखरा महानगरपालिका वडा नं. ११ मा रहेको साई अर्चना अस्पतालमा कार्यरत एक जना स्वास्थ्यकर्मीमा पनि संक्रमण देखिएको छ ।
हालसम्म गण्डकी प्रदेशमा १ हजार ९३६ संक्रमित बनेका छन् । जसमध्ये १ हजार ६४३ संक्रमणमुक्त भएर घर फर्किसकेका छन् ।
प्रतिक्रिया