६ जेष्ठ २०८१, आइतबार | May 19, 2024

बाराका दुई संक्रमितको वीरगन्जमा मृत्यु, कैलालीका एक संक्रमितको सेती अस्पतालमा गयो ज्यान



वीरगन्ज । वीरगन्जको नारायणी अस्पतालअन्तर्गतको वीरगन्ज हेल्थ केयर कोरोना अस्पतालमा दुई जना संक्रमितको मृत्यु भएको छ ।

अस्पतालमा उपचार गराइरहेका बाराको कलैया उपमहानगरपालिका–१ निवासी ७० वर्षीय पुरुष र विश्रामपुर गाउँपालिका–१ छतवाका ४२ वर्षीय पुरुषको मृत्यु भएको नारायणी अस्पतालले जनाएको छ ।

गत भदौ २ गते भर्ना भएका ७० वर्षीय पुरषको मंगलबार राति ८ बजेर ५ मिनेटमा मृत्यु भएको अस्पतालले जनाएको छ । ती वृद्धलाई श्वासप्रश्वास, निमोनिया र उच्च रक्तचापलगायतको समस्या देखिएको थियो ।

यस्तै, छतवाका मृगौला पीडित ४२ वर्षीय पुरुषको पनि मंगलबार राति पौने ११ बजे मुत्यु भएको हो । उनी मंगलबार मात्रै अस्पतालमा भर्ना भएका थिए ।

यसैगरी कैलाली जिल्लाको गोदावरी नगरपालिका वडा नं. ११ का ४५ वर्षीय कोरोना संक्रमित पुरुषको बुधबार बिहान मृत्यु भएको छ ।

धनगढीस्थित सेती प्रादेशिक अस्पतालमा उपचारको क्रममा उनको मृत्यु भएको हो ।

धनगढीको निसर्ग अस्पतालको आइसियूमा उपचार गराइरहेका ती व्यक्तिमा कोरोना संक्रमण पुष्टि भएपछि मंगलबार साँझ उनलाई प्रादेशिक अस्पतालमा सारिएको थियो ।

यससँगै सुदुरपश्चिममा कोरोना संक्रमणबाट मृत्यु हुनेको संखया १४ पुगेको छ ।

प्रकाशित मिति : १० भाद्र २०७७, बुधबार  १० : ३९ बजे

बुटवलमा भोलिदेखि लुम्बिनी प्रदेश स्तरीय दोहोरी खेल प्रतियोगिता सुरु

बुटवल । लोक दोहोरी गीत प्रबद्र्धन गर्ने उद्देश्य सहित भोलिदेखि

जसपा छाडेका सांसदलाई विश्वासको मत दिनबाट रोक्न उपेन्द्र पुगे सर्वोच्च

काठमाडौं । जनता समाजवादी पार्टी, नेपालका अध्यक्ष उपेन्द्र यादव प्रधानमन्त्री

कार्यदलको बैठकमा सहमति जुटेन

काठमाडौं । सहकारी प्रकरण छानबिन गर्न बन्न लागेको संसदीय छानबिन

भरतपुरमा सात वर्षमा सात सय किलोमिटर सडक कालोपत्र

चितवन । कुनै बेला भरतपुर महानगरपालिकाका सडकमा गहिरा खाल्डा थिए