भारतको पूर्वोत्तर राज्य आसामका पूर्वमख्यमन्त्री तरुण गोगईलाई कोरोना पोजेटिभ देखिएको छ । काँग्रेसका वरिष्ठ नेता एवं पूर्वमन्त्री मन्त्री गोगोई आफैले ट्वीट गरेर कोरोना संक्रमण भएको पुष्टि गरेका हुन ।
८५ वर्षीय गोगाईले ट्वीटमा भनेका छन्, ‘हिजो मेरो कोभिड-१९ को टेष्ट रिपोर्ट पोजेटिभ आयो । पछिल्ला केही दिन यता मसँग सम्पर्कमा आएका सबैले तुरुन्त कोभिड जाँच गराउन जरुरी छ ।’
२०२१ मा हुने आसम विधानसभा चुनावका लािग पार्टीलाई बलियो बनाउने उद्देश्यले गोगाई केहीदिन यता आसामका कैयौं क्षेत्रको भ्रमण गरेका छन् । पूर्वमुख्यमन्त्री गोगोईको कोरोना जाँच रिपोर्ट मंगलबार आएको थियो ।
यससमय आसाममा कोरोना संक्रमित बिरामीको संख्या ९४ हजार ५९२ रहेको छ । राज्यमा कोरोना भाइरसबाट मृत्यु हुनेको संख्या २६० पुगेको छ । ७३ हजार ९० बिरामी संक्रमणबाट मुक्त भएका छन् ।
आसाममा नेपाली भाषी समुदायको ठूलो बसोबास रहेको छ ।
प्रतिक्रिया