वीरगन्ज । अवैध लागुऔषध चरेश र गाँजाको धुलोसहित दुई जनालाई जिल्ला प्रहरी कार्यालय पर्साले पक्राउ गरेको छ ।
जिल्ला प्रहरी कार्यालय पर्साबाट खटिएको क्राइम टोलीले पर्साको पटेर्वा सुगौली गाउपालिका वडानं ५ मनिअर्वा स्कुलको सडकबाट लागुऔषध र तस्करीको सामानसहित दुई जना तस्करलाई पक्राउ गरेको हो ।
विशेष सुचनाको आधारमा गएको प्रहरीको टोलीले चेकजाँच गर्दा वडा नं ५ देउरिया बस्ने बर्ष ४५ को रामचन्द्र राय थारुको साथबाट साढे ४ किलो चरेस र आधा किलो गाँजाको धुलो बरामद गरेको छ ।
यसैगरी उनकै साथमा रहेका ५० वर्षीय जनार्दन ओझइया थारुको साथबाट सोही परिणामको चरेस र गाँजा बरामद गरेको पर्सा प्रहरीको क्राइम ब्राञ्च प्रम्ख रवीभुषण यादवले बताएका छन् ।
उनीहरुको साथबाट बी आर २२ ए जी नम्वरको भारतीय मोटरसाइकलमा सवार रहेका दुवै जनालाई पर्सा प्रहरीको हिरासतमा राखि अनुसन्धान सुरु गरिएको छ ।
पछिल्लो दिनमा पर्साका एसपी गंगा पन्त र क्राईम टोलीका प्रहरी निरीक्षक रविभुषण यादवको सक्रियतामा धमाधम एकपछि अर्को अबैध लागू औषध र तस्करीको समान बरामद भैरहेको छ ।
लकडाउन र निषेधाज्ञाको मौका छोपी तस्करहरुले पर्साको विभिन्न नाकाबाट अवैध समान र लागू औषध नेपालबाट भारत र भारतबाट नेपाल ल्याउने लैजाने गरेका छन् ।
प्रतिक्रिया