झापा । झापाका एक जना कोरोना संक्रमित वृद्धको उपचारको क्रममा धरानमा मृत्यु भएको छ ।
झापाको कमल गाउँपालिकाका–३ केर्खा बजारका ८३ वर्षीय पुरुषको गएराति बीपी कोइराला स्वास्थ्य विज्ञान प्रतिष्ठानमा उपचारकै क्रममा मृत्यु भएको हो ।
संक्रमण पुष्टिभएसँगै ती वृद्धलाई वीपी प्रतिष्ठान लगिएको थियो । उनी मृगौलाका बिरामी समेत रहेका थिए ।
कमल गाउँपालिका अध्यक्ष मेनुका काफ्लेका अनुसार गाउँपालिकामा कोरोना संक्रमण फैलिँदा उनलाई पनि कोरोना लागेको थियो ।
मृतकको परिवारका एक जना सदस्यलाई समेत कोरोना लागेको छ । उनको मेची प्रादेशिक अस्पतालको आइसोलेसनमा उपचार भैरहेको छ ।
प्रतिक्रिया