काठमाडौं । कोरोना भाइरसबाट संक्रमणबाट पछिल्लो २४ घण्टामा १२ सय २१ जना संक्रमित भएका छन् ।
१२ हजार ७१७ नमुना परीक्षणमा १२ सय २१ जनामा संक्रमण देखिएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले बताए ।
मन्त्रालयमा आयोजित नियमित कोरोना ब्रिफिङमा दिइएको जानकारी अनुसार ३४८ जना महिला र ८७३ जना पुरुष थपिएका छन् ।
यससँगै, हालसम्म देशभर संक्रमितको संख्या पुगेको छ ।
काठमाडौं उपत्यकामा ४२९ संक्रमित थपिएका छन् । जसमध्ये काठमाडौंमा मात्रै ३७२ थपिएका छन् । भक्तपुरमा ४५ जना र ललितपुरमा १२ जना संक्रमित थपिएका छन् ।
सक्रिय संक्रमितको संख्या १७ हजार ५१८ पुगेको छ । जसअनुसार संस्थागत आइसोलेसनमा १० हजार ६१२ रहेको छ । होम आइसोलेसनमा ६ हजार ९०६ जना संक्रमित रहेका छन् ।
पछिल्लो २४ घण्टामा २६७ जना संक्रमित निको भएर घर फर्किएका छन् । हालसम्म २० हजार ८२२ जना निको भएर घर फर्किसकेका छन् । यो कुल संक्रमितको ५४ प्रतिशत हो ।
प्रतिक्रिया