काठमाडौं । २०७६ चैत ११ बाट बन्द रहेको आन्तरिक उडान तथा अन्तर जिल्ला लामो दुरीका सार्वजानिक सवारी साधनका लागि आगामी भदौ ३० गतेसम्म पर्खनु पर्ने भएको छ । मन्त्रिपरिषदको आईतबार साँझ बसेको बैठकले आन्तरिक उडान, अन्तर जिल्ला चल्ने लामो दुरीका सवारी साधन तथा अन्तरराष्ट्रिय सिमा नाकाहरु भाद्र ३० गते सम्म बन्द गर्ने निर्णय गरेको छ ।
मन्त्रिपरिषद बैठकले कोरोनाको संक्रमण जारी रहेको भन्दै आन्तरिक उडान, सार्वजानिक यातायात तथा सिमा नाका नखोल्ने निर्णय गरेको हो । बैठकले अन्तरराष्ट्रिय उडानहरुलाई भने भाद्र १६ गते देखि सर्त सहित उडान भर्ने अनुमति दिएको छ ।
यसअघि अन्तरजिल्ला यातायात तथा हजाई उडान भदौ १ गतेबाट खुला गर्ने निर्णय भएको थियो । तर कोरोना संक्रमण बढेसँगै भदौ १५ सम्म स्थगित सार्वजानिक यातायात तथा आन्तरिक उडानलाई मन्त्रिपरिषद् बैठकले भदौ मसान्तसम्म नखोल्ने निर्णय गरेको छ ।
सरकारले भदौ ३० गतेसम्म अन्तरराष्ट्रिय सीमा नाकामा लगाएको सिललाई पनि भाद्र ३० गते सम्मका लागि निरन्तरता दिएको छ ।
प्रतिक्रिया