बुटवल । लुम्बिनी प्रादेशिक अस्पताल बुटवलमा पहिलो पटक कोरोना भाइरस संक्रमित गर्भवतीको शल्यक्रिया गरी बच्चा जन्माइएको छ।
लुम्बिनी प्रादेशिक अस्पतालका सर्जन डा विष्णु गौतम र भक्त बस्याल सहितको टिमले सिद्धार्थनगर १ की २२ वर्षीया महिलाको शल्यक्रिया गरी बच्चा जन्माइएको हो।
भीम अस्पताल भैरहवाले रेफर गरेर बुटवल आएकी महिला र बच्चाको स्वास्थ्य अवस्था सामान्य रहेको अस्पतालले जनाएको छ । कोरोना संक्रमित रहेकी कृतिम गर्भाधान गरेकी महिला बाट जन्मिएको बच्चा र आमालाई लुम्बिनी प्रादेशिक अस्पतालमै थप उपचारका लागि राखिने अस्पतालका प्रवक्ता डा. बिष्णु गौतमले बताए । आमाको रिपोर्ट नेगेटिभ आएपछि मात्र डिस्चार्ज गरिने प्रवक्ता डा गौतमले बताए । गौतमका अनुसार बच्चाको पनि पीसीआर परीक्षण गरिने छ ।
यसअघि प्रादेशिक अस्पतालमा एकजना गर्भवतीको शल्यक्रिया हुन नसकेको भन्दै आलोचना भएको थियो। अस्पताल आएकी एकजनालाई अस्पतालले बाँकेको कोहलपुर रेफर गरेको थियो ।
प्रतिक्रिया