बर्दिया । जिल्ला प्रशासन कार्यालय बर्दियाले राष्ट्रिय परिचयपत्र विवरण दर्ताको शुरुवात गरेको छ । व्यक्तिगत र जैविक (वायोमेट्रिक) विवरण सहितको परिचयपत्रलागु गर्ने सरकारको योजनाअनुसार विवरण दर्ताकार्य सुरु गरेको छ ।
जिल्ला प्रशासन कार्यालय बर्दियाले सोमबार गुलरिया नगरपालिका वडा नं. ५ की एक सय वर्षीया जेष्ठ नागरिक लक्ष्मीकुमारी गौतमको व्यक्तिगत र जैविक विवरण सहितदर्ता गरी कार्यको सुरुवात गरेको हो ।
वायोमेट्रिक विवरण फारम भरेपश्चात् प्रमुख जिल्ला अधिकारी लिलाधर अधिकारीले दोसल्ला ओढाई सेवाग्राहीलाई सम्मान गरेका छन् । प्रजिअ अधिकारीले नेपाल सरकारले लागु गरेको राष्ट्रिय परिचयपत्रविवरण संकलन कार्यकोको सुरुवात गरिएको बताए ।
हाल जिल्ला प्रशासन कार्यालयबाट नयाँ नागरिकता बनेकाहरुको विवरण संकलन गर्ने र कोभिड १९को संक्रमणको जोखिम कम भएपछि घुम्ती टोली खटाएर विवरण संकलन गरिने सरकारको योजना रहेको छ ।
हाल संकलन गरिएको वायोमेट्रिक विवरण विभागमा पठाईने र पछि चिप सहितको परिचयपत्र उपलब्ध हुनेछ ।
परिचयपत्रमा व्यक्तिगत विवरण, फोटो, हातका सबै औँलाको औँठा छाप, आँखाको रेटिनाको स्क्यान र हस्ताक्षर लगाएतका विवरण डिजिटल प्रविधिबाट संकलन गरी दर्ता गरिन्छ । संकलन गरिएको विवरण भण्डारण गर्ने र राष्ट्रिय परिचयपत्रको विभागमा पठाउने गरिन्छ ।
एक जनाको व्यक्तिगत तथा जैविक विवरण अर्को व्यक्तिसँग नमिल्ने हुँदा यसलाई भरपर्दो मानिएको छ । पाँचवर्षभित्र सबै नेपालीहरुलाई राष्ट्रिय परिचयपत्र वितरण गर्ने सरकारको योजना रहेको छ ।
पहिलो चरणमा एक लाख १७ हजारलाई परिचयपत्र वितरण गर्ने सरकारको योजना रहेको छ ।
प्रतिक्रिया