नेपालगन्ज । कर्मचारीहरुमा कोरोना पुष्टि भएपछि बाँकेको कोहलपुर नगरपालिका कार्यालय ४ दिनकालागि सिल गरीएको छ ।
नगरपालिका कार्यालयमा रहेको हेल्प डेस्कका कर्मचारीलाई कोरोना संक्रमण पुष्टि भएपछि आज (मंगलबार) देखी आगामी शुक्रबार सम्मकालागि नगरपालिकाको कार्यालय सिल गरीएको नगरपालिकाले सुचना मार्फत जानकारी दिएको छ ।
भेरी अस्पताल प्रयोगशालामा भएको पीसीआर परीक्षणका क्रममा कर्मचारीमा कोरोना पोजेटिभ देखिएपछि सोमबार साँझ नगरपालिकाको आकस्मिक बैठक बसेको थियो । बैठकले नागरिकको स्वास्थ्यलाई मध्यनजर गर्दै शुक्रबार सम्म कार्यालय सिल गर्ने निर्णय भएको नगरपालिकाका प्रमुख प्रशासकीय अधिकृत छविलाल नेपालीले जानकारी दिए ।
कोहलपुरमा सोमबार मात्र नगरपालिकाका कर्मचारी सहित १७ जनालाई संक्रमण पुष्टि भएको थियो ।
प्रतिक्रिया