बुटवल । लुम्बिनी प्रादेशिक अस्पतालमा दोस्रो पटक कोरोना संक्रमित गर्भवतीको सफल शल्यक्रिया गरी बच्चा निकालिएको छ ।
अर्घाखाँची मालारानी गाँउपालिका ५ की २२ वर्षीया संक्रमित गर्भवती महिलाको सफल शल्यक्रिया गरेर बच्चा निकालिएको छ ।
अस्पतालका सर्जन डा। बिष्णु गौतमको नेतृत्वको टिमले गरेको शल्यक्रियाबाट ४ केजी तौलको छोराको जन्म भएको अस्पतालले जनाएको छ ।
नवजात शिशु र आमाको अवस्था सामान्य रहेको अस्पतालका प्रवक्ता समेत रहेका डा। गौतमले जानकारी दिए । कोरोना मुक्त नहुँदासम्म सुत्केरी आमा र नवजात शिशुको अस्पतालमा उपचार गरिने उनले बताए ।
लुम्बिनी प्रादेशिक अस्पतालमा यसअघि भिम अस्पतालले रेफर गरेको सिद्धार्थनगर नगरपालिकाकी एक संक्रमित महिलाको पनि सफल शल्यक्रिया भएको थियो ।
प्रतिक्रिया