काठमाडौं । सत्तारुढ नेपाल कम्युनिष्ट पार्टी नेकपाको सचिवालय बैठक सुरु भएको छ । दिउँसो ३ बजेपछि बैठक सुरु भएको हो ।
बैठकमा पार्टीभित्रको विवाद समाधानका लागि गठित महासचिव विष्णु पौडेल नेतृत्वको ६ सदस्यीय कार्यदलले बुझाएको प्रतिवेदनमाथि छलफल हुने बताइएको छ ।
यसैगरी राष्ट्रिय सभामा राष्ट्रपतिबाट मनोनित हुने रिक्त एक पदका बारेमा पनि छलफल हुने बताइएको छ ।
प्रधानमन्त्री ओली सो पदमा अर्थमन्त्री युवराज खतिवडालाई ल्याउन चाहन्छन् ।
ओली इतरका नेताहरु भने उपाध्यक्ष वामदेव गौतमलाई राष्ट्रिय सभामा ल्याउने फागुनको निर्णय कार्यावयन हुनुपर्ने जिकिर गर्छन् ।
बैठकअघि प्रधानमन्त्री तथा पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच एकघन्टा छलफल भएको छ ।
बिहान ११ बजे बस्ने भनिएको बैठक स्थगित ३ बजेसम्मका लागि स्थगित गरिएको थियो ।
प्रतिक्रिया