चितवन । चितवनमा कोरोना भाइरसका अर्का एक संक्रमितको मृत्यु भएको छ ।
चितवन मेडिकल कलेजमा उपचाररत गैंडाकोट नगरपालिका वडा नं. २ का ३७ वर्षीय पुरुषको मृत्यु भएको हो ।
अल्कोहलिक हेपाटाइटिस तथा एक्युट किड्नी डिजिजको समस्या भै भदौ ९ गते अस्पतालमा भर्ना भएका ती पुरुषको बिहीबार दिउँसो २ बजेर २० मिनेटमा मृत्यु भएको अस्पतालका निर्देशक डा. दयाराम लम्सालले जनाएका छन् ।
उनको भदौ १० गते कोरोना परीक्षण गर्दा पोजेटिभ रिपोर्ट आएको थियो ।
यससँगै पूर्वी नवलपरासीमा दुई जनाको मृत्यु भएको छ ।
यसअघि चितवन मेडिकल कलेजमै विनयी त्रिवेणी गाउँपालिकाका एक कोरोना संक्रमितको उपचारकै क्रममा मृत्यु भएको थियो ।
प्रतिक्रिया