कावासोती । पूर्वी नवलपरासीको देवचुली नगरपालीकाको सवारीचालकलाई संक्रमण देखिएपछि ७ दिनको लागि नगरपालिकाको सेवा बन्द गरिएको छ ।
भाद्र १६ गते संकलित स्वावको शुक्रबार प्राप्त नतिजा अनुसार सवारी चालकमा संक्रमण देखिएपछी नगरपालिकाको स्वास्थ्य र सरसफाई सेवा बाहेकका अन्य सम्पुर्ण सेवा बन्द गरिएको हो ।
प्रमुख प्रशासकीय अधिकृत गोविन्द सिग्देलको हस्ताक्षर गरिएको सुचनामा नगरपालिका कार्यालयबाट प्रवाह गरिने दैनिक सेवा बन्द गरिएको स्पष्ट पारिएको छ । तर, वडा कार्यालयबाट हुने सेवा प्रवाह भने यथावत हुने जनाइएको छ ।
नगरपालिकाबाट आज प्रकाशित सुचना अनुसार भाद्र २५ गते बिहिवार सम्म नगरपालिका कार्यालयबाट दिईने सेवा बन्द गरिएको र कर्मचारीहरुलाई सुरक्षित रुपमा होम क्वारेन्टाईनमा बस्न अनुरोध गरिएको प्रमुख प्रशासकीय अधिकृत गोविन्द सिग्देलले बताए ।
देवचुली नगरपालिकामा कोरोना संक्रमित बढिरहेका छन् । पूर्वी नवलपरासीमा कोरोना संक्रमणका कारण दुई जनाको मृत्यु भैसकेको छ ।
प्रतिक्रिया