भैरहवा । लायन्स क्लब अफ भैरहवा ग्रिनसिटीले क्लबका सदस्यहरुको कोरोना बीमा गराएको छ । यूनाइटेड इन्स्योरेन्स कम्पनी (नेपाल) लिमिटेड संग बीमालेख सम्झौता गरी क्लबमा आबद्ध सदस्यहरुको बीमालेख जारी गराइएको क्लबका अध्यक्ष शिवनाथ गुप्ताले बताए ।
५४ जना सदस्य भएको उक्त क्लबमा पछिल्लो समय कोरोना भाइरस (कोभिड–१९)को संक्रमण समुदायस्तरमा फैलिरहेकोले यसलाई ध्यानमा राख्दै आगामी दिनमा आइपर्ने समस्याबाट केही भए पनि राहत होस् भन्ने उद्देश्यका साथ एक लाखको कोरोना बीमा गराइएको क्लबका सचिव भिम बहादुर थापाले बताए ।
बिहीबार कोरोना बीमालेख यूनाइटेड इन्स्योरेन्स कम्पनी लिमिटेड भैरहवा शाखा प्रबन्धक गिरिजा प्रसाद चौधरीले क्लबका अध्यक्ष शिवनाथ गुप्तालाई हस्तान्तरण गरेका छन् ।
बीमा गरेको कसैलाई १५ दिनपछि कोरोना (पीसीआर परीक्षण) रिपोर्ट पोजेटिभ देखिएको अवस्थामा एक लाख रुपैयाँ दावी भुक्तानी हुने यूनाइटेड इन्स्योरेन्स कम्पनी लिमिटेडले जनाएको छ ।
प्रतिक्रिया