काठमाडौं । त्रिभुवन अन्तर्राष्ट्रिय विमानस्थलमा आवागमन र प्रस्थान दुवै गरी शुक्रबार ७ अन्तर्राष्ट्रिय उडान भएका छन् । यी उडानमार्फत ६ सय १ यात्रु नेपाल आएका छन् ।
हिमालय एयरलाइन्सले क्वालालम्पुरबाट १ सय ५६ र दोहाबाट १ सय ४५ यात्रु काठमाडौं ल्याएको छ । यस्तै कोरियन एयरले सिओलबाट १९८ यात्रु ल्याएको छ । नेपालबाट फर्किदा ४ यात्रु लगेको छ ।
फलाई दुबईले दुबईबाट १५२ यात्रु काठमाडौं ल्याएको छ । शुक्रबार नेपाल एयरलाइन्सले हङकङबाट ४ हजार ८ सय ८७ किलो कार्गो नेपाल ल्याएको छ ।
कतार एयरवेजले १० हजार १३५ किलो कार्गो र २ शव नेपाल ल्याएको छ । शनिबार विभिन्न एयरलाइन्सका ७ अन्तर्राष्ट्रिय उडान हुने छन् ।
आन्तरिकतर्फ शुक्रबार ७ उडान भएका छन् । कैलाश हेलीले बुटवल र मुस्ताङ आर्मीको हेलीले बागलुङ, सीता एयरको सिमिकोट, बुद्ध एयरको लोकल र मनाङ एयरको हेलीले खोटाङ र लुक्ला उडान भरेको विमानस्थल कार्यालयले जनाएको छ ।
प्रतिक्रिया