काठमाडौं । देशभर पछिल्लो २४ घण्टामा १ हजार ४१ जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले आयोजना गर्ने नियमित पत्रकार सम्मेलनमा ३४९ महिला र ६९२ पुरुष सहित १ हजार ४१ जना थपिएको जानकारी दिइएको हो ।
यससँगै देशभर संक्रमितको संख्या ४५ हजार २७७ पुगेको छ ।
शनिबार १२ हजार ४७३ नमुना पीसीआर परीक्षण गरिएको छ । हालसम्म ७ लाख ५७ हजार ९६३ पीसीआर परीक्षण भैसकेको छ ।
काठमाडौं उपत्यकामा ४०८ जना संक्रमित थपिएका छन् । काठमाडौंमा ३२६, भक्तपुरमा ४५ र ललितपुरमा ३७ जना रहेका छन् ।
होम आइसोलेसनमा ८ हजार ४ जना रहेका छन् ।
देशभर १५ सय ६६ जना संक्रमित निको भएर घर फर्किएका छन् । अहिलेसम्म २७ हजार १२७ जना संक्रमित निको भएका छन् ।
प्रतिक्रिया