चितवन । कोरोना संक्रमणबाट चितवन मेडिकल कलेजमा उपचाररत एक जना वृद्धको मृत्यु भएको छ ।
आज बिहान ८ बजे भरतपुर महानगरपालिका–१५ का ७० वर्षीय वृद्धको कोरोना संक्रमणबाट मृत्यु भएको हो ।
उनको कोरोना संक्रमण पुष्टि भएपछि चितवन मेडिकल कलेजको आइसियूमा राखेर उपचार भइरहेको थियो ।
ती पुरुषमा श्वासप्रश्वासमा समस्या थियो । साथै मिर्गौलाको समस्याबाट पनि पीडित भएकाले डाइलायसिस पनि गरिएको थियो ।
योसँगै चितवनमा कोरोना संक्रमणबाट मृत्यु हुनेको संख्या २२ पुगेको छ भने चितवन जिल्लाका मात्रै १२ जनाको मृत्यु भएको छ ।
प्रतिक्रिया