पोखरा । गण्डकी प्रदेशमा कोरोना भाइरसका ६७ जना नयाँ संक्रमित थपिएका छन् ।
प्रदेश स्वास्थ्य निर्देशनालयले जारी गरेको तथ्याङ्क अनुसार कास्की, पूर्वी नवलपरासी, गोर्खा र तनहुँमा संक्रमितहरू थपिएका हुन ।
पोखरास्थित क्षयरोग उपचार केन्द्रको प्रयोगशालामा गरिएको परीक्षणमध्ये, कास्कीमा सबैभन्दा धेरै ३१ जना रहेका छन् ।
यसैगरी, गोरखामा १८ जना, पूर्वी नवलपरासीमा १५ जना र तनहुँमा ४ जनामा संक्रमण पुष्टि भएको छ । सबै संक्रमित कन्ट्रयाक्ट ट्रेसिङबाट पहिचान भएहरू हुन ।
कास्कीमा पोखराको मेडिसिटी अस्पतालका दुई स्वास्थ्यकर्मी र पश्चिमाञ्चल सामुदायिक अस्पतालमा कार्यरत दुईजना नर्स संक्रमित भएका छन् ।
यस्तै, पोखरा फुड्स प्रालिमा कार्यरत १७ महिला र ८ पुरूषलाई संक्रमण पुष्टि भएको छ ।
प्रतिक्रिया