बर्दियाको बाँसगढीमा भाद्र २८ गतेसम्म निषेधाज्ञा जारी

बर्दिया । बर्दियाको बांसगढी स्थित चौधरी ग्रुपको वाईवाई चाउचाउका उद्योगका ४२ जना कामदारमा एकै पटक कोरोना संक्रमण पुष्टि भएसंगै बर्दियाको बाँसगढी नगरपालिकामा एकहप्ताकालागि निषेधाज्ञा जारी गरीएको छ ।

बर्दियाका प्रमुख जिल्ला अधिकारी लीलाधर अधिकारीले जारी गरेको आदेश अनुसार सोमवार विहान ६ बजेदेखि लागु हुने गरी भदौ २८ गते मध्यरातीसम्मका लागि निषेधाज्ञा जारी रहने छ ।

नगरपालिकामा कोरोना संक्रमणको दर बढ्दै गएपछि निषेधाज्ञा जारी गर्नुरहेको प्रशासनले जनाएको छ । जारी गरीएको निषेधाज्ञामा औषधि उपचार, खाद्य बस्तु खरिदजस्ता अत्यावश्यक कामबाहेक अन्य सबै गतिविधिमा प्रतिवन्द लगाईएको छ ।

ठूलो संख्यामा वाईवाई उद्योगका कामदारमा संक्रमण पुष्टि भएपछि बिगत एक हप्तादेखि उक्त उद्योग सील गरिएको छ ।