रिलायन्स लाइफ इन्स्योरेन्सको आइपीओ नप्सेमा सूचीकृत, भदौ २३ गते देखि दोस्रो बजारमा कारोबार गर्न सकिने

काठमाडौ । रिलायन्स लाइफ इन्स्योरेन्सले सर्वसाधारणलाई जारी गरेको आईपीओ सोमबार नेप्सेमा सूचीकृत भएको छ। कम्पनीको प्रति सेयर १०० रुपैयाका दरले कायम भएको २ करोड १० लाख कित्ता सेयर नेप्सेमा सूचीकृत भएको हो ।

कम्पनीको सेयर भदौ २३ गते देखि दोस्रो बजारमा कारोबार गर्न सकिने नेप्सेले जनाएको छ।

कम्पनीले पहिलो कारोबारको लागि न्यूनतम प्रतिकित्ता १०७ रुपैयाँ ५९ पैसादेखि अधिकतम ३२२ रुपैयाँ ७७ पैसासम्मको ओपनिङ्ग रेञ्ज पाएको छ। कारोबारका लागि इन्स्योरेन्सले RLI शेयर संकेत पाएको छ।