काठमाडौं । व्यापक आलोचना भएपछि सरकारले पूर्वपश्चिम रेलमार्गको काँकडभिट्टा इनरुवा खण्डको ठेक्का रद्द गरेको छ ।
मंगलबार सडक रेल विभागले सूचना प्रकाशित गरी ठेक्का रद्द गरेको जनाएको छ ।
विभागको रेल, मेट्रोरेल र मोनोरेल डेभलेपमेन्ट प्रोजेक्टले सार्वजनिक सूचना प्रकाशित गरी विवादित ठेक्का गरी रेलमार्गको ठेक्का रद्द भएको जानकारी दिएको हो ।
विभागले जग्गाको मुआब्जा वितरण टुंगा नलाग्दै ५४ वटा प्याकेजमा ३३ अर्ब ३४ करोड ८० लाख रुपैयाँको ठेक्का आह्वान गरेको थियो ।
जसमा १०६ किलोमिटर रेलमार्ग बनाउन विभागले १८ वटा पहिल्यै तय गरिएका कम्पनीलाई मात्रै सहभागी हुन पाउने गरी ठेक्का आह्वान गरेको थियो । यो ठेक्का केवल औपचारिकताका लागि मात्र आह्वान गरिएको भन्दै चर्को आलोचना भएको थियो ।
मूल्यांकन प्रक्रियामा रहेको भनिएको टेन्डरलाई मल्यांकन समितिले तत्काल सकार्न नसकिने राय दिएको थियो । कोरोना महामारी र जग्गा प्राप्ति तथा साइट क्लियरेन्ट तत्कालै हुन नसक्ने निस्कर्ष मल्यांकन समितिले निकालेको थियो । त्यसपछि ठेक्का रद्द गरिएको रेल विभाग स्रोतले जनाएको छ ।
प्रतिक्रिया