भरतपुर अस्पतालमा थप एक कोरोना संक्रमितको मृत्यु

खबर कुरा
२३ भाद्र २०७७, मंगलवार
                 

चितवन । भरतपुर अस्पतालमा उपचाररत एक जना कोरोना संक्रतिको मृत्यु भएको छ ।

नवलपरासीको देवचुली नगरपालिका-१ का ६४ वर्षीय वृद्धको कोरोना संक्रमणबाट मृत्यु भएको हो ।

भरतपुर अस्पतालका सूचना अधिकारी लिलाधर पौडेलका अनुसार उनलाई भदौ १७ गते कोरोना पुष्टि भएको थियो । संक्रमण पुष्टि भएपछि खोकीसहित स्वासप्रस्वासमा समस्या भई १९ भदौमा भरतपुर अस्पतालमा भर्ना गरिएको थियो ।

उनको उपचारका क्रममा आज साँझ ५:३० बजे कोभिड सघन उपचार कक्षमा मृत्यु भएको अस्पतालले जनाएको छ ।

लामो समयदेखि मिर्गौलाको बिरामी भई डायलासिस गराउँदै आएका उनको अस्पतालको सघन उपचार कक्षमा भेन्टिलेटरमा राखेर उपचार गरिएको थियो ।

योसँगै भरतपुर अस्पतालमा उपचारको क्रममा मृत्यु हुनेको संख्या २२ पुगेको छ । एकजना वृद्धाको घरमा नै मृत्यु भएको थियो ।

चितवनका १२, मकवानपुरका ५, नवलपरासी सुस्ता पूर्वका ३, बारा, गोर्खा र कैलालीका १र१ जनाको कोरोना संक्रमणका कारण मृत्यु भएको थियो ।

यसमा तपाइको मत

Your email address will not be published.


*