कुलोमा डुबेर एक बालकको मृत्यु

बर्दिया । बर्दियाको गेरुवा गाउँपालिकामा रहेको एक कुलोमा डुबेर एक बालकको मृत्यु भएको छ ।

गेरुवा गाउँपालिका वडा नं १ मा खेल्टीबजार नजिक रहेको चारगौँ कुलोमा नुहाउने क्रममा डुबेर बालकको मृत्यु भएको हो ।

मृत्यु हुनेमा गेरूवा गाउँपालिका–१ कानपुरका करिब ९ बर्षका बालक सागर चलाउने रहेका छन् ।

नुहाउनका लागि कुलोमा गएका बालकको डुबेर मृत्यु भएको इलाका प्रहरी कार्यालय पाताभारका प्रहरी निरिक्षक नवराज केसीले बताए ।