चिनियाँ विदेश मन्त्री वाङ यीले चीन सरकार वास्तविक नियन्त्रण रेखामा भारतसँगको तनाव कम गर्न ठोस कदम चाल्न इच्छुक रहेको बताएका छन्।
चिनियाँ विदेशमन्त्रीले भारतीय समकक्षी एस जयशंकरसँग गरेको वार्ताको एक दिनपछि यो कुरा भनेका हुन् ।
दुई नेताहरुको बिहीबार रुसको राजधानी मास्कोमा दुईपक्षीय वार्ता भएको थियो । वार्तापछि दुवै विदेशमन्त्रीले ५ बुँदे सहमतिमा हस्ताक्षर गरेका थिए ।
शुक्रबार रूसी विदेश मन्त्री सर्गेई लाभारोभसँग संयुक्त प्रेस सम्मेलनमा बोल्दै चिनियाँ विदेश मन्त्री वाङ यीले एलएसीबाट सेना र बारुद हटाउन आवश्यक रहेको बताए ।
उनले भने, ‘भारत र चीनवीच लगातार तनावको बारेमा छलफल भइरहेको छ। मैले यो कुरा भारतीय विदेश मन्त्री एस जयशंकरसँग गरेको थिएँ, हिजो भारतका अन्य सुरक्षा अधिकारीहरूसँग पनि कुराकानी भएको छ।’ उनले भने चीन शान्ति कायम गर्न प्रतिबद्ध छ ।
<चीन वार्तामार्फत समस्या समाधान गर्न तयार छ तर त्यसका लागि सेना, हतियार र बारुद वास्तविक नियन्त्रण रेखाबाट हटाउनुपर्ने बताए ।
प्रतिक्रिया